【本報訊】「鳳姐當我哋好似自己個仔咁，好親切！成日同我哋傾偈，咩都可以同佢傾。」就讀中五的李同學坦言，鳳姐為人無架子，說話幽默，會主動關心同學，深得各同學愛戴。五年來最愛吃鳳姐滷蛋，由她當店長，效率高又味道好，「鳳姐知道我哋鍾意食咩，識得預分量，收費同出貨都好快手，依家就要排長龍。」失去鳳姐的小食部，校園美味頓時失色，他決心支持罷買，誓要鳳姐回歸伍華。
幾乎詢問過每位天主教伍華中學的學生，人人都認識鳳姐，評價皆為「好好人、好親切」。她被調職就傷透學生的心，更於網上發起罷買行動。李同學表示，每逢有新產品，鳳姐都會主動通知，希望她能繼續為校服務，但亦知悉鳳姐常遇到壓力，「以前有得食炸嘢、撈麵，後來都唔畀賣。」他又指，鳳姐育有一子就讀伍華中學小學部，放學時都會來中學部做功課，亦會與他們玩，儼如一家人。
另一位張同學表示，失去鳳姐的第一天，小食部的質素已大大下降，「有鳳姐帶住，小食部職員做嘢好快手。」他試過留校溫習，獲鳳姐送飲料，感到很溫暖。不過，他懷疑近年小食部被投訴，令鳳姐受到壓力，「以前有炸嘢食，好似麥樂雞同薯條，依家都無得賣。」吳同學愛吃撈麵，現時同樣遭禁售。他認為到小食部買食物，純因個人消費，不應因而影響小食部員工，故支持罷買，爭取鳳姐重返伍華校園。