三月，原本是個好日子，小雨潤如酥，楊柳風吹面不寒，正是一年春好處！然而，香港這陣子接連發生駭人聽聞的倫常斬殺案，人頭冷藏雪櫃，令人不寒而慄！
日前天氣風雲色變，天降冰雹異象；風雨不適時，風助亂雲陰更密，冷熱無從節制的「四不像」天氣，毋須堪輿家推算，老朽都知道成個社會戾氣重怨氣大。
三月飛雹，肯定係異象。老朽略查史書筆記，見有不少天文怪象，有「血雨」、「綠雨」；而嶺南氣候向來溫熱，人多以為無雪，查實不然，西樵山曾見大雪，林木皆冰；怪異之事亦層出不窮，如豕生象，野蠶成蛹……總之，亂象叢生，必有妖孽，緊隨的每多天災兵禍，各處寇盜，民不聊生；各位，香港政局不穩似有先兆，未來要「穩中求變」，領導人話要「抓好落實」，然而，三月飛雹，風雲色變，前景迷離，「抓好」已不易，要「落實」更多阻滯；港人睇怕要自求多福，要等政府「適度有為」，恐怕自己先吃虧在眼前了！
講真，內地更加唔「老利」，新領導甫上台，櫈都未坐暖，南方八省就遇風雹災害，二十五人死亡，二千六百多間房屋倒塌，農作物受災面積九十九點九千公頃，直接經濟損失十三多億元人民幣……
嗱！前人種樹後人乘涼就正啫；若然前人做得太多陰騭事，後人就要承受。天理循環，有時又唔到你唔信！江南嘅暮春三月，原本係雜花生樹，群鶯亂飛的好季節，詩人話：「鶯飛草長三月天，油菜花開滿田間」，詩聖杜甫更令人眼前一亮，「三月三日天氣新，長安水邊多麗人」；如今，卻是「三月三日天陰霾，黃浦江頭多死豬」，逾萬隻豬非正常死亡，你都咪話唔驚！官稱水質沒問題，若然上海市民不吃肉也長胖了，那只能怪擰開水龍頭，就有豬肉湯喝？