探射燈：天秀墟拍烏蠅　檔販坐困愁城

「連人工都搵唔到，一個月賺埋只係夠交租！」在天秀墟賣玉鐲、花瓶及藥膏的黃女士，雖然其檔口貨品種類繁多，但光顧的顧客少之又少。本周一下午約三時，記者到達黃的檔口，對方坦言早上八時多開檔，惟至今仍然「未發市」。「好失望，估唔到咁少人，如果一年後（租約期滿）都係咁，一定唔做！」黃指，她原本在天水圍天光墟擺「走鬼檔」，眼見天秀墟月租僅千元才進駐，豈料開業後，每日「小貓三四隻」，頓覺心灰意冷，「做一個月散工（人工），都多過呢度搵得千幾蚊！」

「試過一日淨係做咗三十五蚊生意，剩係夠交嗰日檔租！」另一售賣女裝的檔主文小姐稱，自天秀墟開業以來，只入過兩次貨，「入咗啲舊衫都賣唔出，搞到啲客嚟嚟去去都係睇同一批衫！」文更透露，天秀墟已有八、九戶商販欲棄租離場，「好似門口有檔賣農產品，本來做得幾好，但都捱唔住！」

天秀墟乏宣傳配套，過去的周末也是冷冷清清。	黃女士坦言，一年租約期滿便不再續約。	文小姐透露，至少有八、九戶天秀墟商販欲棄租離場。

每日生意額僅得數十元

開放時間為「朝八晚八」的天秀墟，共有一百八十二個月租檔位，每檔租金八百至一千元，相連檔位租金二千元，當中三十個由社企及非牟利機構營辦，其餘一百五十二個由元朗或天水圍區居民承租。記者分別於周六、周日及周一前往上址視察，發現即使是人流最多的周日，平均每小時約二百人次進場，亦有旅行團參觀，惟商販慨嘆「旺丁不旺財」。

檔販兼做小販幫補連環圖 女檔販（左）從天秀墟推着手推車步行二十分鐘，到天瑞邨瑞意樓對出擺檔。	走鬼檔生意甚佳，不少途人幫襯買生果。	女檔販（圓圈示）收檔後，返回天秀墟。

此外，周一入場人數最慘淡，平均每小時不足五十人入場，更約有七十個檔口「無開檔」，記者訪問其中廿二名檔販，當中廿戶直指生意不好，未能收回成本，有十一戶平日生意額只數十元。賣雜貨的芬姐為這盤生意更辭工，惟現時每天僅得數十元生意額。

市民點睇 黃小姐（大專生）：「呢度貨品都算多元化，但就無咩宣傳，又無指示，就算住喺附近，最初都唔知點嚟！」

鄧太（家庭主婦）：「覺得個場好熱，好多檔口好夜先開檔，呢度好多配套都好唔細心，亦無指示教人點嚟。」

無奈做埋小販幫補舖租

記者採訪當日下午，便發現有女生果檔販從天秀墟推車仔到天瑞邨瑞意樓對出空地，兼做「走鬼檔」搵食。「二十蚊七個橙！」擺檔個多小時，該女檔販賣去多箱生果。「唔做走鬼檔，點補貼啲租？」該女檔販無奈向記者坦言，更補充：「由早到晚都係做到四百蚊生意，仲未扣除入貨成本，放（生果）喺度唔理，唔通等佢爛？」

東華三院發言人表示，檔主經營困難，可申請寬減一至兩個月租金，並稱已簽一年合約的租戶，若希望退租，該院會按個別情況與其協調合適退租期。發言人稱，現時天秀墟未有租戶申請退租，但承認有個別人士向該院查詢退租。至於有租戶在天秀墟以外擺賣，發言人指合約無條款約束租戶在其他地方經營。

圖/文：專案組、靜態組