【本報訊】「我都睇到，冇理由佢（車長）睇唔到。車長想自殺都唔好攬住我哋（乘客）一齊死……」。經歷生死一線的66X線巴士陳姓男乘客，事後縷述經過時猶有餘悸，表示離遠已見到貨櫃車亮起「死火燈」，不明白車長為何完全沒有減速或扭軚，任由巴士撞向貨櫃車尾。他又不滿巴士公司頻頻加價，卻無視車長健康，導致意外頻生。
任職跟車工人的陳先生（五十七歲），他乘搭66X線九巴回家，坐於下層俗稱「保齡球位」的走廊盡頭長椅中間位置，「架車（貨櫃車）已經打晒死火燈停喺到，但巴士完全無減速！我嗰陣心諗，唔係撞埋去呀？點知巴士真係撞埋去」。陳恍如保齡球般仆落走廊地上，一度昏迷。
坐於巴士上層前排的郭姓男乘客亦表示，清楚見到貨櫃車停於慢線，不明車長完全沒有煞車迹象，撞向貨櫃車尾。