立法會金融服務界議員張華峰係「政壇食神」，因為愛吃，身形早已係「加加大碼」，講到食牛肉，更加係佢「飛佛」，我哋早前就撞見佢喺金鐘一間超市狂掃西冷牛扒及和牛。雖然盒和牛價錢一啲都唔平，不過張華峰唔理咁多，照買可也。至於買番屋企後點整法，佢就話煎香塊扒後，加幾粒鹽就食得，唔使搞太多嘢，否則會將牛肉鮮味蓋過。近年牛肉供應緊張，瘋狂漲價，張華峰就話食得是福，貴一貴都會買嚟食，唔會慳住荷包喎。
