前觀塘區議會坪石區議員陳百里即將加入商務及經濟發展局做政治助理，但一直未公開講過上任新工嘅感受。不過，我哋尋日發現民政事務局政助徐英偉（Caspar）到坪石邨出席佛教活動時，喺社交網站上載嘅合照中出現陳百里嘅身影！照計本月廿日先上任嘅陳百里，呢一刻理應既唔再係該區區議員，亦未有政助身份，可能佢一早應承出席呢個活動啩，張相裏面見佢胸前無戴名牌，就知佢身份尷尬啦。不過佢嘅行蹤竟然畀佢嘅民建聯黨友Caspar敗露咗，相信都係陳百里始料不及嘅。
（互聯網）