因「拖政」而「聞名」嘅食物及衞生局前局長周一嶽（周一鑊）對住自己屋企嘅僭建都係一味靠拖，廢官周一鑊位於港島加列山道豪宅寓所自去年五月被踢爆有僭建後，一直話屋宇署未批圖則闊佬懶理，叫佢廢鑊都不失為過。不過，屋宇署上周二就話，已批准相關圖則，而被翻閹委任做月薪近廿二萬嘅平等機會委員會主席後，廢鑊終於有錢捨得搭棚修復僭建，呢啲咪叫唔踢唔郁囉！
