炒風熾熱 旅巴牌價飆至320萬
【記者何昀諺報道】政府再推「辣招」壓抑樓市、商舖炒風，資金充斥市場無處可去，改為炒賣的士、小巴牌，炒風近日更蔓延至旅遊巴！有旅遊巴業界人士指，旅巴牌連車價近月突飆升至約三百廿萬元，較去年初約二百萬升幅高達五成！業界人士指內地來港旅客日增，加上港珠澳大橋將於二○一六年通車，各界看好旅遊巴業務，加上旅遊巴相對其他交通工具價錢較低「有水位賺」，料旅遊巴牌價連車價未來會再升，甚至直逼的士牌價炒至約六百萬、七百萬！
學童車協會主席梁剛表示，過去一周有旅遊巴包牌價及車價以三百廿萬、三百卅萬元成交，較去年同期約二百萬元飆升至少五成，「政府出招唔畀炒樓炒舖，有錢不如投資旅遊巴啦，內地團、個人遊咁旺，做接載旅客生意一定有得做。另外，學童接載服務限制較多利潤較少，有經營者唔再做可能會賣車，如果架車同時有合約式出租服務批註，新投資者就可做接載旅客生意。」
炒價直逼的士
他又指，市場上開始有小量「巴士車行」出現，作為中介人替投資者尋找放售旅遊巴並安排出租事宜，向投資者保證六厘回報，「好過放銀行無利息啦、炒股票又有風險！」他不排除旅遊巴炒價可直逼的士，「的士牌一部要七百萬，一部的士可以買兩部旅遊巴啦，證明旅遊巴價仲有上升空間，六百萬、七百萬都唔出奇。」
公共巴士同業聯會執委張英發表示，全港僅有七千多部持牌旅遊巴，運輸署不再發新牌照，供應有限，估計當二○一六年港珠澳通車，對旅遊巴需求會大增，「跨境旅遊巴一定需求多咗，至少多一百、二百部，唔愁無生意做，旅遊巴價繼續升係合理預期內嘅事。」