坪石選區泛民未贏過
陳俊傑修讀工商管理課程，之後就幫陳百里做區議員助理，都做咗兩、三年，坊間就盛傳佢將會接替陳百里，參加坪石選區補選。
陳鑑林前日就話，派邊個出選仲未有定案，但亦都冇否定阿仔參選呢個傳聞。而且眾所周知，陳鑑林盤據坪石好多年，喺○七年換屆選舉成功讓位畀陳百里，依家再將議席過番畀自己個仔，睇嚟贏面都唔細。
不過，班網民就話，黃洋達喺坪石長大，對呢區好了解，有一定根基，所以佢挑戰陳俊傑都未嘗不可。
亦有地區人士分析，陳鑑林喺坪石有好多鐵票，過去未試過有泛民人士贏過，就算好似之前喺沙田區議會田心補選中批評對手對選民「用完即棄」，但相信作用不大，而且輸得更慘烈。