財經事務及庫務局前日幫新民黨搞咗個簡介會，講解政府財政運作，點知搞到新民黨年輕黨員暈得一陣陣，但唔係因為政府盤爛數，反而係因為庫務科常任秘書長謝曼怡嘅出現。新民黨立法會議員葉劉淑儀尋日係社交網站爆料，話簡介會後謝曼怡成為該黨嘅「宅男女神」，唔少黨員都覺得「曼怡BB」清純玲瓏，非常有鄰家感覺，有年輕同事就將「曼怡BB」嘅玉照存入電話，仲有男同事考慮將「曼怡BB」張卡片過膠添！不過，雖然「曼怡BB」Keep得好，但其實佢已經五十歲，而且佢老公正正是發展局常任秘書長周達明，所以大家係咪諗多咗呢？
（互聯網）