政情：公民講場：官司捐款無影「通緝」煲呔針

外號「煲呔針」嘅數碼廣播有限公司（dbc）前大股東鄭經翰，早前極力控訴遭其他股東政治打壓，市民同網民即時籌咗數百萬元畀佢打官司，正常人得人因果都千年記，不過煲呔針就係一個例外，佢之後成功出售手上股份後，就開始「潛水」鮮有再公開現身，當然更加懶得交代呢筆捐款嘅去向喇。人民力量陳偉業前日喺立法會率先發炮，轟煲呔針賣咗股份就走咗去，一眾網民對煲呔針嘅舉動都極度睇唔過眼，陸續發起「通緝」煲呔針嘅行動，有人大嘆之前有捐款畀佢，依家對方又唔去立法會交代，又唔交代筆捐款去咗邊，好似畀人呃咗咁，睇怕煲呔針一日唔交代呢筆款項嘅去向，呢班「苦主」都會繼續死咬住佢唔放！