被謔稱「西環契仔」嘅立法會議員謝偉俊（Paul）向來言行出位，除咗早年為雜誌拍攝半裸照宣揚「法律係與生俱來」，亦曾以法律超人形象幫自己律師樓賣廣告。有網民尋日喺社交網站上載一張名為「謝偉俊的壽衣look」相片，憑相中線索相信Paul係到沙田，為田心區議會補選嘅候選人站台，但Paul以一身被戲稱為「壽衣」嘅綠色唐裝為候選人撐場，真係唔多吉利，更遭網民譏笑「乜佢潮到唔似人」，難得Paul仲話有街坊讚佢靚仔添！
