政情：公民講場：貪曾下流黐玩黐食攀上流

中大亞太研究所最新調查發現，有六成受訪者認為香港社會嘅流動性較十年前差。調查更認為政府應該設法增加社會流動性，減輕市民怨氣。其實香港過去十年，都唔係無上流機會，只不過只係畀某啲人壟斷咗，好似貪曾前特首曾蔭權爵士就係最佳人辦。咁樣講並唔係屈佢，曾蔭權在任期間，最叻就係攀附上流，經常跟住班富商飲飲食食，利用自己特權謀私，大至去坐富豪私人遊艇同飛機，小至禮賓府借跑步機，連雞同菜都唔放過，總之貪得就貪，但係佢又乜都唔做，任由樓價飆升、貧者愈貧，香港人又點會有向上流動嘅機會呢？總之貪曾在任七年，佢嘅遺禍，仲有排影響香港呀。