今年份財政預算案被唔少人批評冇乜新意，有網民就好有心機，將過往三年預算案內有關領取綜援、高齡津貼、長者生活津貼及傷殘等津貼嘅段落逐一勾畫出來，與今年預算案同一項目作出比較，發現幾年嘅字眼都大致相同，只係更改有關開支金額，質疑財爺每年只係複製前一年嘅預算案內容。雖然有關項目嘅內容好似照抄咁，但講到相同嘅措施又好難會喺字眼上有新突破，唯一突破嘅只係每年嘅開支金額逐年遞增，但相信咁相似嘅段落內容只係佔小部分。