財政司司長曾俊華（鬍鬚曾）前日形容自己係中產一員，惹來一眾「真中產」批評，尋日佢再喺電台死撐「中產」係一種生活態度，例如有人話鍾意飲咖啡同睇法國電影就係中產喎。雖然鬍鬚曾亂噏廿四，但係就有意無意間辣到佢前老細「貪曾」前特首曾蔭權爵士。眾所周知，貪曾正因佢嘅連串貪腐惡行被廉政公署調查，隨時被人帶返廉署飲咖啡，無得再飲靚茅台同貴紅酒，「變身」成鬍鬚曾口中嘅中產。如果貪曾呢個大貪官都可以做中產，就真係影衰晒啲香港向來廉潔勤奮、刻苦耐勞嘅中產市民喇！
