喺拍賣字畫環節時，有黨員舉咗幾次手，話要代CY出價五萬元投字畫，但當時在座嘅人唔知點解好捨得使錢，兩幅字畫最後都被他人以高價投得，變相令CY乜都投唔到。不過，該黨事後竟然夠膽追CY找番條數，CY亦冇計咁多，好快就寫咗張五萬元支票打發該黨。不過，特首辦對事件不作回應。
籌款晚會 唔敢請譚志源
至於今年籌款晚會有邊啲政府高官撐場，據聞商務及經濟發展局局長蘇錦樑同財經事務及庫務局局長陳家強都初步應承會出席，但政務司司長林鄭月娥就以公務繁忙婉拒。另外該黨亦有諗過邀請政制及內地事務局局長譚志源，但擔心如果譚志源唔得閒出席，到時搵有民建聯背景嘅副局長劉江華「替補」，到時唔知點算好喎。