東方報業集團尋日獨家踢爆前廉政專員湯顯明在任期間，曾多次以公幹為名、旅遊為實，化身廉署旅行團領隊帶領下屬逍遙遊。首先有次湯顯明曾帶同六名下屬到摩洛哥公幹長達十日，耗用公帑近六十萬元，另一次更曾出現正副專員同時到訪上海，但開會只有一小時，其餘時間就走咗去旅遊。話時話，湯顯明被指包庇「貪曾」前特首曾蔭權爵士貪盡海陸空、歎盡省港澳，市民已經怨聲載道，但原來湯顯明本身又係同貪曾一樣經常大花筒外訪，認真係「上樑不正下樑歪」，佢哋呢對「沙煲兄弟」真係物以類聚。
