政情：廢腑之言：阿王創意「唔得掂」

宣傳最緊要有「創意」，講到創意，相信立法會議員王國興（阿王）最多代表作。話說立法會尋日討論是否需要監管宣傳免入息審核借貸嘅廣告，阿王就批評當局依家啲宣傳教育唔係好得，仲幫財經事務及庫務局局長陳家強諗咗「先使未來錢，將來唔得掂」呢句既簡單又易記嘅口號。聽到阿王用教育局局長吳克儉嘅花名作出如此佳作，陳家強惟有以笑遮醜回應話，如果地區議員配合政府工作，相信宣傳效果一定會事半功倍喎。