【本報訊】「九十後」情侶昨在旺角一間餐廳，疑因感情問題爭執，其同行七名男女友人阻止無效，同告失控互掟食物及推翻椅子，顧客紛紛走避，警員帶同警犬到場制止，有人情緒激動大叫「差佬打人呀!」，場面混亂。警方以涉嫌毆鬥將各人拘捕，其中一人更涉阻差辦公，事件中無人受傷。
現場為亞皆老街一間麥當勞餐廳，昨凌晨一時許，七男二女青年在店內消夜時，姓張（廿二歲）青年與姓黃（十八歲）女友，疑因感情問題吵架，愈吵愈劇烈，更爭執推撞，在場友人疑未能制止，情緒激動，各人互相取起食物及椅子互掟。店內顧客恐怕被殃及，紛紛走避，職員見狀報警。
大批警員帶同警犬到場制止，有激動青年被警員制服及警告：「唔好再郁。」有人反駁：「我有郁到咩？我企喺度係你哋捉住我咋嘛！」更不滿遭警犬狂吠，警員再作出警告：「你唔郁隻狗（警犬）係唔會咬你o架。」
警方經調查後，以涉嫌毆鬥將各人拘捕時，有人突「發難渣」瞓地大叫：「差佬打人呀！」姓莊（廿歲）青再涉嫌阻礙警務人員執行職務。事件中無人受傷，九名被捕男女由警員帶返警署扣留調查。