政情：今日你上鏡：王麗珠修身快

早幾年轟動政界一時，民主黨甘乃威涉嫌求愛不遂而怒炒女助理事件嘅女主角王麗珠（Kimmie），去年幫會計界林智遠競選立法會時都係保持低調。不過，近日佢轉趨高調，每逢林智遠搞任何活動都例必現身，而且負責打點一切，又主動向傳媒大派卡片，似乎放低咗一段陳年往事。原來Kimmie去年先生完ＢＢ，但唔夠幾個月，佢已經極速修身，尋日喺香港華人會計師公會新春酒會見到佢都好fit吓，如果唔講都唔覺佢已做咗媽媽，似乎Kimmie對修身美容有一定心得。做人最緊要識得向前看，活得精彩，Kimmie就係最佳例子喇。