「貪曾」前特首曾蔭權爵士在任期間貪盡海陸空、歎盡省港澳，劣行曝光足足一年，廉政公署一直歎慢板，究竟調查去到乜進展，外界至今一無所知，有人認為呢個「功勞」多得貪曾嘅「沙煲兄弟」、時任廉政專員湯顯明。有市民質疑湯顯明喺任內調查貪曾「放軟手腳」，對呢種拖得就拖嘅態度極之不滿，前日終於自發到廉署舉報湯顯明涉嫌包庇貪曾，要求廉署盡快調查事件。講到尾市民嘅耐性係有限，廉署應該盡快交代貪曾案進展，否則民怨爆煲，相信香港僅餘嘅廉潔聲譽都會摧毀埋。
