其實三個月前，有會計師樓已預測本年度將錄得八十六億元盈餘，之後陸續再有會計師樓叫價盈餘將超過二百幾億元，足足係前者三倍咁多。不過，高處未算高，當各大會計師樓預測將出現二百幾億元盈餘時，港府一月底就公布受惠於三百七十七億元財政儲備投資收入，本港在首九個月已錄得四百億元的盈餘。
一早預測 未必着數
羅兵咸永道會計師事務所尋日就開記者會修訂預算，預計本財政年度將出現五百五十億元盈餘，較該行一月份嘅預測高近一倍。羅兵咸永道高級顧問王銳強就解釋，估錯數主要因為印花稅同賣地收入較波動，佢仲話財爺計錯數都唔係咩新聞，好似幫自己鋪下台階咁。所以話，抽水係一項藝術，一早預測未必有着數，最緊要都係睇準時機。