店舖阻街兼亂拋垃圾，食物環境衞生署被指視若無睹！灣仔街坊陳先生指出，交加街與太和街交界近日有新店開張，惟經營未幾即佔用行人通道「擴充營業」，令行人寸步難行，「阻街不特止，仲成日將舖頭入面啲垃圾掃出街，搞到成條街都污糟晒！」陳更曾目擊食環署職員行經但並無執法，坦言對此深表不滿，「（食環署職員）明明企喺對面街望到都唔理，你話有冇搞錯！」
食環署發言人表示，接獲本報轉介後曾派員巡察，發現該店舖將貨物擺放於店前行人路並造成阻塞，已檢控該店負責人，又稱該署職員已向該店負責人嚴厲警告，切勿將物品棄置於公眾地方，否則會發出定額罰款通知書。
「投訴完嗰幾日咪好少少囉，冇幾耐又打回原形！食環署既然係執法部門，就好應該做好本分！」陳先生要求食環署加強巡察及執法，適時對違規者提出票控，以收阻嚇之效。