發展局局長陳茂波（Paul）加入政府呢個「熱廚房」只係短短半年時間，可惜流年不利、諸事不順，不但先後捲入經營劏房、酒後駕駛及時任會計師公會理事期間，疑似隱瞞利益關係嘅風波，就連由佢主責嘅新界東北發展計劃都無端端惹爭議。正所謂一「波」未平、一「波」又起，估唔到該局新任政治助理何建宗嘅自住單位近日亦被揭懷疑僭建，上司下屬「一鑊熟」，唔通真係衰開有條路？唔知今次何建宗懷疑僭建事件，係唔係陳茂波嘅最後一波呢？
