的士剷通道違泊 嚇親人
「邊估到行人路會有車泊上嚟，嗰日架車剷埋嚟嗰陣，我仲以為佢失控撞埋嚟，嚇死我！」劉先生日前行經上水清河邨時，目睹有的士駛上行人路停泊，擔心會引致意外，要求警方加強檢控，打擊違泊行為。
應加強檢控保障途人
警方發言人表示，已知悉上述情況並作出相應票控行動，過去一年亦曾向該處違例泊車人士發出二十張定額告票。發言人續稱，會繼續密留意上址情況，並按「靈活執行交通法例政策」向違例車輛採取適當的執法行動。
「都唔止第一次見有車泊喺度，條路咁多街坊行，啲車泊喺度唔止阻路，仲好易出意外，警方一定要加強打擊！」劉先生直指警方檢控數字明顯與該處違泊情況不成正比，要求警方加強執法，保障居民安全。