月台設計差 為難輪椅客
「啲斜台喺晒車頭嗰邊，車尾一個（斜台）都冇，推住部輪椅嘅次次都要兜個大圈先上到車，好唔方便！」天水圍居民陳先生為輪椅使用者，指輕鐵天榮站共有六個月台，惟所有通道斜台均設在車頭方向，居於天恩路一帶屋苑的輪椅使用者必須繞道到近天城路入口始能進入車站，造成嚴重不便，「港鐵賺咗市民咁多錢，但無障礙通道就做得咁差，好應該改善！」
當區區議員黃卓健證實，相關問題在社區存在已久，曾向港鐵反映，卻有感對方無意改善，「天恩路嗰邊冇正式路行去車站，居民依家行緊嗰條捷徑又凹凸不平、輪椅人士又用唔到，其實港鐵肯做個小工程就方便好多，但佢哋話要遲下做發展先一次過諗！」
港鐵發言人稱，目前輕鐵天榮站五號月台車頭方向出入口設斜道供乘客使用，至於加設行人路建議，則在進行該站上蓋物業發展工程時一併研究其可行性。