探射燈：潮流食肆縮骨 謝絕單身客

辣雞煲、日式燒肉及火鍋店，因獨沽一味，食肆東主在裝修前，都會在枱上裝設獨立爐頭，通常二人或四人枱一個爐，當客人柯打後，店員可即時開爐上菜，減少搬運爐頭的時間，務求盡快再做第二輪生意。又因衞生理由，除非是朋友，否則陌生人難以搭枱。

辣雞煲放題要兩位起

現時全港過百間辣雞煲、日本燒肉店、火鍋店都會提供限時任食優惠，收費由約一百元至三百元不等。本報發現，近月起，多間食肆實施新措施，不招待單身客人，將單身客列為不受歡迎人物。

單身有罪？單身食客搵食愈來愈困難。	旺角雞煲店 記者到一間任食雞煲的食肆放蛇，店員指不招待單身客，否則會蝕本。	店內當時仍有不少空位，但就不招待單身客。

記者以單身客人身份，前往油麻地一間日式燒肉放題餐廳了解，當日是下午四時，並非食肆繁忙時間，店內大部分座位均空空如也。眼見餐廳「大把位」，記者遂向侍應要求安排入座，侍應面有難色說：「我話唔到事o架，你同經理講！」記者向經理詢問獲回應：「一位？我哋唔做，起碼都要兩位起。」他指着店內的枱說：「你睇我哋啲位全部都係兩位以上設計。如你真係想食，咁要畀兩位錢，但咁耐都無試過有客咁做。」之後記者再前往九龍城另一間火鍋放題，同樣因單身一人而被拒。

油麻地日式燒肉店 日式燒肉店員稱，若要光顧餐廳，除非一人付兩人錢。

愈來愈多食肆訂下「不接一人客」規定。

另外，去年大熱的辣雞煲，有辣雞煲店於雜誌刊登廣告，稱每位只要付出百多元，即可任食雞煲，但記者單獨前往卻不獲招待。店舖職員推說，宣傳海報下方已註明價格由「兩位起」：「雖然話百幾蚊有雞煲放題食，但你幾多個客入嚟，我哋都係畀一個煲佢，一個煲入面已經有一隻雞，如果一個人一個煲，四個唔識嘅客咪要四個煲？真係做唔到畀你哋呢啲單身客。」

九龍城火鍋放題店 餐廳職員指，宣傳海報已註明價格由「兩位起」（箭嘴示）。	火鍋店店員指不會招待單身客。	陳志全

網民議員倡設最低消費

食肆拒絕單身客做法在網上引起熱烈回響，有曾被拒絕招待的單身網友對食肆做法感到無奈，亦有網友認為食肆可設最低消費，確保單身客亦有一定消費力，穩定利潤。

「我試過一個人出外食飯，間食肆好似唔想招呼我咁，搞到我好唔好意思，結果要買外賣飯盒。」立法會議員陳志全（慢必）認為，食肆拒做單身客的營商手法不妥當，建議食肆應顧及不同食客的需要，如可設計一人分量的火鍋，或設定最低消費額。

業界：成本增人手不足

飲食業界預計，隨着成本大幅上升及人手不足，這類拒絕單身客的食肆將愈來愈多。睿智飲食顧問發言人廖睿平表示，因食材價格、租金及工資等上漲，七除八扣後，利潤微薄：「一個或者兩個客人嘅成本，唔會太大分別，但就可以賺多啲錢，咁梗係做兩個好過一個啦！」此外，不少食肆謝絕「搭枱」，會揀客招待：「如果兩個單人客嚟幫襯，就會佔咗兩張二人甚至四人枱，結果可能失去招呼多六個客嘅機會。」

至於為何不招待一人客，有關火鍋店負責人表示，食肆門外已註明兩位起，而店內裝修都是為兩名客人或以上而設計，故不做一人客生意。而另外兩間食肆，則至截稿前未有回覆。

圖／文：專案組