【本報訊】多名立法會議員均對海事處的調查結果，大感嘩然，他們紛紛質疑「唔係曾蔭權講大話，就係海事處講大話」，表明會在立法會提出質詢，要求海事處交代有關調查事宜，同時也要求廉政公署盡快交代相關的調查進展。
工黨立法會議員李卓人質疑，「依家都唔知邊個講大話，海事處調查錯咗又唔定，調查不盡不實又唔定。」他直言，貪曾「攞着數攞到累街坊」，指曾蔭權至今仍欠香港市民一個交代。
有議員更準備採取跟進行動狙擊貪曾。新民主同盟范國威坦言︰「曾蔭權當初承認咗自己畀咗五百蚊，一係海事處講大話，一係就係曾蔭權講大話，真相只有一個。」他指事件有很多疑點，將在立法會提出質詢，要求海事處進一步交代調查事宜，待搜集更多資料後，再研究下一步行動。
人民力量的陳偉業直斥曾蔭權講大話，促請廉署盡快完成相關調查，向市民作出交代。民主黨胡志偉指，因不清楚貪曾以何形式支付五百元，難判斷是否有人「講大話」，但貪曾任特首期間接受奢華款待是事實，如今事件更出現不同版本，進一步凸顯貪曾在位期間政府「上樑不正」。