食肆霸街經營年僅三檢控
行人通道淪為露天食堂，食環署一年僅作三宗檢控！「檔檔都擺晒啲枱櫈出嚟做生意，日日都係咁，我哋要喺啲枱櫈中間左穿右插先行得過！」楊先生指深水埗懷惠道設有多間食肆，每日皆公然霸佔行人路擺放桌椅經營，直指食肆長期阻街不但造成通道阻塞，更帶來噪音及衞生問題，曾多番向食物環境衞生署投訴，惜情況一直未見改善。
食環署發言人稱，接獲本報轉介後曾派員巡查，發現有食肆桌椅佔用行人路，已檢控有關食肆負責人；又指過去一年接獲共九宗相關投訴，並提出三宗檢控。根據《食物業規例》，任何食物業處所持牌人在未獲准許之前，不可在牌照批准範圍以外地方經營，否則可被檢控，最高罰款一萬元及監禁三個月。
「一年先得三宗檢控，但佢日日都係咁擺出嚟，檢控數字會唔會少咗啲？」楊先生直斥食環署未有盡力執法，要求該署增加巡查次數，以收阻嚇作用。