「屋企冇晒錢 賊唔使再嚟喇」
【本報訊】「啲賊唔使再嚟喇！屋企冇晒錢喇！」夏雨驚悉家園兩度遇竊時大感無奈，昨越洋接受本報電話訪問時，強調其寓所已經「無嘢偷」，呼籲賊人不要再來爆竊。他又指，目前最重要愛子安全，坦言：「好擔心大仔一個人！依家最重要係搞好防盜！」
擔心兒子安全
對於頻頻遇竊，夏雨不諱言：「唔係我屋企引賊呀！而係嗰區都好多爆竊！」雖然他擔心在港的兒子，但表示不會急於返港，並透露自己已簽約王維基旗下的香港電視，下月將開拍新劇，故不會因爆竊案而提早回港，並說：「我會喺溫哥華過年！下個月先返港！仲要申請番啲合約同證件！」
入行近四十年的夏雨原名黃成，四六年出生，七四年加入無綫電視，由於轉數快、口才佳，備受重用，七十至八十年代曾於《倚天屠龍記》、《民間傳奇》等多齣著名劇集擔演要角，，在《歡樂今宵》內扮演的諧星「阿煩」更深入民心，少數唱片及電影亦能覓得其蹤，他亦曾轉往台灣發展及自資開設製作公司。
八八年，夏雨與前藝人馬慧玲拉埋天窗，誕下現年廿三、廿一及十五歲的兩子一女，九十年代舉家移民加拿大。至○○年，他回流並重返無綫電視，○五年憑電視劇《甜孫爺爺》首奪最佳男配角獎，○八年憑《溏心風暴之家好月圓》勇奪「視帝」，至去年約滿離開無綫。