「貪曾」前特首曾蔭權爵士貪盡海陸空嘅醜聞已街知巷聞，神憎鬼厭，所以佢唔喺政協名單上係理所當然嘅事。尋日就有位疑似內地網民見貪曾好夢成空，特別喺社交網站貼咗一張貪曾早前向公眾道歉嘅相片，題目為「貪曾唔好喊啦！」。呢位網民話，係人都知貪曾又cheap又貪小便宜，阿爺又點會唔知佢做拍手機器扮愛國吖，所以冇得做政協係好正常。不過，呢位網民就同貪曾講，叫佢下次龜縮時，唔好亂扮鄉里呃九折，否則被人揭穿會好瘀。亦有網民和應鬧貪曾係自食其果，「早知今日何必當初」喎！
（互聯網）