因為求官不遂而爆大鑊指控特首梁振英嘅全國政協委員劉夢熊，繼早前被廉政公署拘捕調查後，尋日又傳出新一屆政協名單冇佢個名，幾可肯定佢無緣連任全國政協委員。還記得劉夢熊講過，當年佢只係着住一條泳褲由內地偷渡來港發展，發展到今時今日名利雙收，只可惜「一子錯，滿盤皆落索」，因為一個「名」字而熏心，政治前途從此玩完。睇嚟劉夢熊係時候要着番條泳褲去潛水！
