鐵皮屋僭建屋署執法空談
「只要肯抬高頭望吓，隨時都見到有僭建，好似呢間鐵皮屋咁，起咗好多年喇，屋宇署都唔理！」吳小姐居於深水埗青山道多年，直指區內僭建問題嚴重，不滿當局宣稱會加快處理僭建物只淪為空談。
屋宇署發言人證實，接獲本報轉介後曾派員視察，發現上址大廈平台有僭建物，根據現行執法政策，有關僭建物屬須優先取締類別，將按序發出法定命令，現已向有關業主發信，勸喻自行安排清拆有關僭建物。
「又係出警告信，屋宇署可唔可以諗啲主動啲嘅方法去拆僭建？」吳小姐直指區內僭建物多屬鐵皮屋，經歷歲月洗禮而變得殘破不堪，不但影響市容，亦擔心因結構不穩而對社區構成威脅，要求當局主動執法。