2500萬公帑興建 BMX場2人玩哂
耗資逾二千萬元公帑興建的極限運動（X-Games）遊樂場，淪為廢場！粉嶺安福街遊樂場專為花式小輪車（BMX）玩家而設，但疑因設計失誤，場內暗藏危機，又「無厘頭」規定要付費考牌才能使用，本地大部分玩家都不得其門而入，據知場地開放半個月來疑只得兩人使用。有資深玩家狠批考牌制度荒謬，令場地成為私人俱樂部。
X-Games泛指滑板、直排滑輪和BMX等較危險的陸上運動，現時本港兩個由康文署管理的BMX場地均需考牌才可使用，考牌試由署方及香港單車聯會合辦。「大家有納稅，點解要畀錢考牌先可以入公共設施玩？」亞洲極限運動聯會（AXF）技術委員會主任麥詠倫（Alan）指，玩BMX要考牌，外國聞所未聞，「考完牌出嚟玩都唔代表安全o架？去游水夠危險啦，但都係救生員先要考牌！」
康文署網頁無考牌資訊
斥資二千五百萬元興建的安福街遊樂場，便是需考牌才能享用的BMX場之一。不過，即使有心想考牌，玩家亦無從入手。Alan坦言：「又唔公布幾時有得考，同考啲咩！」記者日前瀏覽康文署和香港單車聯會的網頁，亦找不到任何相關考牌資訊。香港單車聯會則指，聯會正內部改組，暫停舉行考牌試，惟何時再開辦考牌試或現時本港有多少持牌玩家，該會並沒有回應。
Alan指，香港極限運動聯會（XFED）具有國際奧委會和亞洲奧委會認可，但該會曾就安福街遊樂場設計事宜向康文署提供意見，卻不獲接納。他稱，獲本港奧委會認可的香港單車聯會，曾參與該場地的設計，惟本地玩家認為場地危機四伏。
U台位置阻礙玩家視線
記者日前隨Alan到該場地視察，Alan指向場內的U台，稱該處太窄，加上頂端的垂直位置過長，均易令玩家「中招」，「U台應該係獨立出嚟，否則一旦失手，就好容易衝出嚟同其他人撞車！」而U台的位置亦阻礙地面兩邊玩家的視線，「一個好嘅BMX場，玩家應該喺任何位置都睇到對方！」另方面，場地中央建了一段斜路，惟前方竟是欄杆，「一衝落嚟已經會撞（欄）啦！」Alan稱，由於該處「陷阱」重重，本港主流的BMX玩家絕少前往該場操車。
事實上，該場於前年中落成，卻延至上月底才開放，期間每天有管理員駐守。康文署以本報查詢時，場地開放未足一個月為理由，未有提供該場的平均使用人次，然而本月中，該場管理員曾向以市民身份到場視察的記者透露，「（啟用至今）得兩個人嚟玩過！」
半百人向單車聯會請願
至於本港另一個位於葵涌醉酒灣的BMX場──香港賽馬會國際小輪車場，亦被指是小圈子俱樂部。資深BMX車手、樂隊LMF成員麥文威（Jimmy）抱怨：「初時又話東亞運完咗，個場就開放畀公眾，點知又要畀錢考牌，之後每一次去玩都要畀錢！」香港單車聯會本月十五日周年大會當天，便約有五十名單車愛好者和家長請願，要求改善該場營運。
專案組