店舖霸道 行人舉步艱
「條路本來好闊，但擺晒啲貨之後，條路當堂窄咗一半！」林先生指元朗福德街設有多間店舖，部分疑為吸引客人光顧，長期將大量貨物放置行人路擺賣，令行人寸步難行，卻鮮有食物環境衞生署職員到場執法，「嗰度好近大橋街市，已經夠晒多人，加埋啲貨物係咁塞住條路，真係想行都冇路行！」
當區區議員蕭浪鳴認為，現時食環署的執法政策明顯未能改善阻街問題，要求該署檢討，「有多啲位做生意邊個唔想，搞到啲舖頭收告票當交租咁，根本唔夠阻嚇力，食環署應該罰重啲先夠力！」蕭指將貨物放出行人路，除造成阻塞外，亦容易引起衝突，要求食環署加強打擊。
食環署發言人表示，該署一直關注上址店舖阻街情況，不時採取執法行動。過去一年共接獲三十二宗相關投訴，提供一百六十二宗檢控，又指會繼續留意情況及採取適當行動。