政情：工聯借《白毛女》勉港人

工聯領導感受深

會長林淑儀話，呢套係中國經典、世界著名嘅劇目，講述人民面對困難時堅毅不拔嘅精神，工聯會領導喺四、五十年代開始已經同呢套劇有深厚嘅感情，而且認為套劇對香港市民有鼓勵作用添，希望香港市民會同劇中嘅女主角一樣排除萬難，同工聯會今年嘅目標一樣就係「邁向新里程」喎。

工聯會副會長兼康齡長者服務社理事會主席潘佩璆話，冇估計齣劇可以籌到幾多錢，但如果籌到五十萬元就好開心喇。

其實工聯會最新會員人數已達三十八萬一千人，要籌五十萬元都唔係難啦。