新聞故事：獨立導演 電影生捱
在夢想的路上獨行，有幾多人能夠堅持到最後？電影發展基金數個投資項目蝕本收場，從小熱愛電影的蔡敬文（Kingman）卻沒大老闆「泵水」、不靠基金融資，自己出錢出力以超低成本拍出兩部長片，終於可望有錢賺。一心擠進主流的Kingman，因電影風格小眾而被冠以「獨立導演」名號，其實他的「獨立」，在於多年來憑自己努力奮鬥、不假手於人的意志。
年幼時，Kingman逢周末便隨父親去看電影，「多數去寶石、金門戲院，依家唔係拆咗就重建！以前啲戲院好大，回音又勁，播親電影公司啲片頭都轟轟聲、好有氣勢，我成日嚇親！」七十後的他飲港產片奶水大，至中四那年，他問同學借來V8攝錄機，邀請同學當演員，拍成第一部短片《魂不附體》，講述一名中學生殺掉取笑他的學校風紀及上門查案的警員，再跳樓身亡。「當年電腦都冇，自己用VHS錄影機，帶過帶做剪接！」之後他愈拍愈上癮，接連拍了多部短片，受其偶像名導演昆頓塔倫天奴影響，影片均有濃烈的荒誕暴力色彩。
自資超低成本 終能上映
中學畢業後，Kingman負笈美國進修電影，○三年回港適逢沙士，失業數月才找到工作，出任剪接師和製作助理。○六年，他毅然辭工，以一萬多港元超低成本拍出第一部長片，編、導、攝影、剪接以至茶水「一腳踢」，惟成績欠佳。一○年，他再接再厲，花二萬元拍出第二部長片《不設房》，講述綜援男愛上一樓一鳳姐的故事，幾番努力終得到上映機會。
電影難賺錢 入行勿怕苦
審計署去年踢爆電影發展基金數個投資項目蝕本收場，相反自資拍片的Kingman極力控制成本，令《不設房》有望帶來盈利。長期孤軍作戰下終小勝一仗，身為納稅人的Kingman質疑，基金的定位是甚麼？「如果擺明支持藝術，蝕本都冇所謂。如果係以投資為目的，點解咁多項目會賺咗票房，蝕咗公帑？有冇盤數睇吓？」不過，他亦慨嘆現時電影業賺錢甚艱難，「有監製同我講，《低俗喜劇》收三千萬已算奇迹，但都冇乜錢賺！」他呼籲想入行的年輕人別怕辛苦，「成為導演嘅路往往好漫長，而且唔一定達到目標。如果唔肯捱，你就連呢個機會都冇。」
文：林偉軒
圖：梁偉恩