政情：簡永輝拖老外 親密蒲老蘭

當晚戴住鴨嘴帽嘅Terry現身蘭桂坊，一身中褸牛仔褲加長靴打扮，同上周六接爸爸出獄嘅裝束幾乎一模一樣。佢同一名身穿冷衫孭住背囊嘅男性外籍好友，坐喺一間開放式酒吧近門口位置，肩並肩面向外。Terry望落心情靚爆，同好友一邊歎啤酒，仲柯打咗一支水煙兩份吸。吞雲吐霧之際，Terry興致勃勃咁拿出手機，與好友頭貼頭玩自拍，之後兩人低頭對合照喁喁細語，討論得興高采烈。

玩咗成個鐘頭，Terry與好友始起身離開，男友人似乎對Terry依依不捨，輕輕擁抱對方之餘，更細心幫Terry整理衣服。Terry亦盡顯君子風度，過馬路時主動拖實男友人隻手，仲為對方截的士。

簡永輝與男友人自拍後，對合照喁喁細語。

兩人離開時，外籍男友人輕擁簡永輝，表現得依依不捨。

等咗幾架的士之後，男友人終於等到車，臨走前他不忘與Terry擊掌，再來一個十指緊扣，維持數秒至放手。喺送走男友人之後，Terry獨自走向擺花街，到自動櫃員機提款，冇幾耐佢再走向荷李活道，最後走入一間大廈。

簡永輝主動拖實男友人過馬路。	臨別前二人十指緊扣達數秒。	送別友人後，簡永輝獨自往自動櫃員機提款。

五官端正仍未婚

現年三十七歲嘅Terry五官端正，至今仲係未婚，可謂「鑽石王老五」，而據Terry身邊嘅人話，亦唔清楚佢有冇女朋友喎。

卓妮尋日曾致電Terry，問吓佢夜蒲蘭桂坊一事，但未能聯絡上；之後卓妮亦打過電話畀簡Sir，簡Sir亦似乎不欲多談而掛線。