唔博「死梗」 術後重投工作
【本報訊】「只有丁點機會都要博，唔係就死﹗」四十多歲的MAN外形高大，外表絲毫看不出原來心臟曾經有事，徘徊在死亡邊緣。他兩年前因心律不正惡化，並出現心臟衰竭徵狀，需要換心續命，當時辛苦到連睡覺都要坐起身，行幾步路都喘氣，每日只能在病床上等待着希望，連他自己也以為「死梗」。去年十月他植入人工心臟，將可重投工作。他呼籲善心人能延續大愛精神，捐出器官，令病者可重過正常人生活。
MAN說︰「以前經常做運動，從來無諗自己心臟有事，知道要換心的一刻，真係好愕然，唔知點算。醫生仲要話我體格高大，捐贈者體重要比我重多兩成，才足以應付日常生活，（獲捐贈的）機會好渺茫，自己都打定輸數。」當醫生建議植入人工心臟，病人總會有所猶豫，但知這是唯一生存機會，最終都會答應。
從事貿易、育有兩名年幼兒子的吳先生，為本港第二名植入人工心臟的病人︰「晚晚瞓唔到，塊面黑到好似炭，完全唔似人樣，曾有想過自殺，一了百了。」醫生建議MAN和吳先生做人工心臟時，兩人內心好大掙扎︰「明知有希望，可以做番正常人，點都擔心之後唔知點生活，又對人工心臟唔認識，懷疑醫生係咪當我係白老鼠？」
24小時佩戴 可自由走動
瑪麗醫院心胸外科護士長林小麗解釋，人工心臟取代左心室的泵血功能，將帶氧血液經主動脈輸送到全身，並經皮下導線連接電子控制器及體內裝置。病人要廿四小時帶備電子控制器及電池，每日插電，便可自由行走，甚至恢復工作。但左右心室皆出現衰竭、體形太細及欠缺家人支援者等病人，則不適合移植。