長毛罵「狗官」 陳茂波指冒犯
【本報訊】立法會發展事務委員會昨討論唐梁僭建事件時火藥味甚濃，社民連議員梁國雄會上大罵屋宇署署長區載佳「蠢」及「狗官」，惹來發展局局長陳茂波不滿，質疑其言論冒犯。一直支持特首梁振英的民建聯議員蔣麗芸則多次為政府護航，與人民力量議員陳偉業展開罵戰。
「點解你咁蠢？上嚟立法會無先問過梁振英可唔可以公開佢個案啲資料咩？」梁國雄不滿區載佳以涉及私隱及第三者資料為由，拒絕交代梁振英山頂大宅僭建個案的詳細資料，直斥區載佳「蠢」，又在其他議員向區載佳提問時，在座位上高呼「狗官」。陳茂波最終按捺不住，要求委員會代主席謝偉銓將梁國雄的言論記錄在案：「直接話蠢好冒犯性，頭先亦話署長係狗官，不可接受！」
陳偉業蔣麗芸展開罵戰
梁國雄則辯稱：「『九品芝麻官』都係『九官』，你估話你係animal（動物）咩！我又無指明話佢（區載佳），你自己對號入座。我再話一次『狗官』，你係問責局長，你係咪認？」
陳偉業發言時狠批屋宇署處理唐英年及梁振英大宅僭建鬆緊不一，但又不預留時間給區載佳回應，蔣麗芸見狀再為區載佳「護航」，插言指「官員都有言論自由！」陳偉業隨即反駁：「幾時到你講嘢！呢度我主場！你阻住我講嘢！」蔣麗芸則說：「無人唔畀你講嘢！」最後要謝偉銓出面調停，二人罵戰才告平息。