伊院術後死亡率最高

據悉，一一／一二年度《外科手術成效監察計劃》報告大致完成。初步結果顯示，伊院急症外科的病人接受手術後卅日死亡及併發症比率，高於全港公院水平基準線，是十七間公院表現最差。

多名資深醫生離職損質素

知情人士分析︰「報告只計做咗外科手術嘅病人死亡及併發症，無同唔做手術嘅病人比較，睇唔到手術最終成效。」以盆骨創傷手術為例，以往伊院病人死亡及併發症高達六成九，外科去年連同骨科、麻醉科等做手術，將比率降至三成六，「對病人係好事，團隊又得傑出獎，但就推高外科死亡率」。知情人士指，有醫院憂成績差，對風險高如年老、體弱病人選擇不做手術，「少做就少錯，唔做就無錯」。

有伊院資深外科醫生透露「死因」，該院接收九龍中及九龍東腦外科、胸肺外科等創傷病人，急症服務量很大，「大家搶手術室及麻醉醫生，唔急病人就要等，試過有割盲腸病人由下午三點等到晚上九點，拖咗六個鐘咩都爛，術後併發症風險實大咗。」去年該院至少五名資歷逾十年的普通外科或泌尿外科醫生離職，人手緊張對手術亦有影響。

病人術後護理也是關鍵，但伊院深切治療部病床比率偏低，佔全院急症病床僅百分之一，較全港公院平均百分之一點三七還要低。消息指，伊院每年急症病人是全港之冠，急症室處理的危殆及緊急病人達四成，半數要入院，若正值流感高峰期，深切治療部病床更緊張，「畀到外科嘅床寥寥無幾，對病人康復唔理想」。據悉，在評核期間，該院僅十六張深切治療病床，○九年減床後至本月初才加至廿張床，追回當年水平。

長者病人多 聯合成績差

聯合醫院排「尾二」，或因病人多是長者。該院外科醫生指，病人憂手術風險，未能即時決定做手術，「諗多幾日就錯過黃金時間」。