貨櫃車擋巴士站警少巡邏
「啲貨車擋住晒成條路，巴士司機根本睇唔到有冇人等緊車，又埋唔到站，上落都要喺馬路中心，好危險！」陳小姐指出，天水圍屏廈路沙洲里村一帶每天均有大量貨櫃車進出，在輪候進入貨櫃場期間車龍會佔據行車線，連附近巴士站亦被「圍封」，曾多次向警方投訴，惜情況一直未見改善。
警方發言人承認，過去三個月共接獲三宗上址汽車阻塞報告，並即時派員到場疏導車流，期間沒有作出檢控行動。發言人續稱，已提醒有關貨櫃場負責人作出妥善安排，減少車輛輪候時間。
「有警察喺度係會好少少，但佢哋要收到投訴先肯過嚟，平時都唔會主動過嚟巡！」陳小姐不滿當局處事被動，要求警方加強巡邏，疏導車龍，確保乘客安全。