政情：今日你上鏡：突然蒲頭

中華能源基金委員會常務副主席兼秘書長何志平日前搞咗個午宴沙龍，加上邀請咗聯合國大會主席出席，吸引咗好多城中政商界人士捧場。不過，最令人意想不到嘅係，近年久未露面公開場合、外號「董家臣」嘅前特首辦高級特別助理路祥安（右一）亦有出席，見佢容貌同身材冇乜點變，同嘉賓交談時亦表現得恭恭敬敬。至於佢突然現身所為何事，究竟係畀面何志平定係有乜特別訊息想傳遞，咁就只有佢自己先至知道喇！