【本報訊】疑似就讀大專男生除夕當晚走到尖沙咀街頭倒數慶祝，倒數開始前飲完手中飲料，但因警方實施人潮管制，他未能將手中空杯丟進鐵欄外不遠處的垃圾桶，於是開聲要求在場警員幫忙「丟垃圾」，警員拒絕並說「你自己享受完就有義務拎住」，大專生不滿警員不肯「幫忙」，在社交網站facebook留言粗言穢語辱罵警員，卻遭人截圖放上討論區，惹來大批網民群起狠批，指警察職責「唔係幫人揼垃圾」，涉事大專生更遭公開facebook帳號連結及踢爆就讀院校，大專生未幾現身討論區致歉。
截圖在前日中午前被上載一個著名討論區，當中包括被指辱罵警員的男生照片，以及他在除夕的留言，自言「估唔到一二年臨完前都要我發老脾」，聲稱當時他喝完手中飲品，「圍欄前少少就係垃圾桶，之後我就唔該阿sir想幫我掉咗佢」，並引述警員以「你自己享受完就有義務拎住」回應。男生續指，「×你老味我嗰嘢真係嬲咗！好聲好氣叫你幫我掉咗佢都唔得，仲要講句咁嘅嘢！警察為市民服務喎」，稱被警員說法「嚇一跳」云云。
有關言論隨即惹來大批網民留言狠批，指警察職責並非幫人丟垃圾，「幫你係人情唔幫你係道理」、「差人有差人要做嘅事……你有機會阻到佢做嘅」。事主未幾在討論區現身數度致歉，聲言「我明我自己係錯咩」、「只能講聲Sorry」，但指一個「舉手之勞」，「只係覺得香港警察唔會咁樣拒絕」，又稱曾有台灣警察助長者推車「每個人都讚佢有愛心」。網民續指斥他在「死撐」，但亦有人指事主已道歉「不如算啦」。根據疑似事主的facebook帳戶，相信他是就讀嶺南大學社區學院。