城巴泊行人路罔顧安全
「晚晚九點半過後就會有巴士駛返嚟，梗有啲會剷上行人路，就算夜晚少咗人行，咁樣泊車法都有問題啦！」李先生指中環碼頭民光街一帶每晚均有巴士停泊於行人路上，直指上址儼如「巴士違泊區」，更不滿車長罔顧行人安全，要求當局加強巡查及監管。
運輸署發言人稱，接獲轉介後曾派員於晚上到上址視察，惟未有發現有巴士違規停泊於行人路上，已通知警方在上址加強巡查及執法。
城巴發言人則表示，接獲有關意見後已提醒前線員工，切勿於行人路停泊巴士。
「呢排係改善咗，見唔到有巴士再剷上行人路，希望一路可以保持住啦！」李先生證實情況經本報轉介後已獲改善，希望當局日後繼續加強巡查，必要時更需作出檢控，以收阻嚇作用。