面對劏房工程如火如荼地進行，屋宇署竟束手無策！林女士居於大埔安富街一唐樓，早前懷疑有單位正進行劏房工程，即時向屋宇署反映，卻獲覆無法跟進，「之前啲裝修工人出出入入，望下先知入面搞到成間劏房咁！屋宇署係有職員嚟過，但就話入唔到去睇，所以冇證據！」
屋宇署發言人證實，早於一二年八月已接獲收到相關舉報，遂派員視察，期間發現單位外牆豎立棚架，但未能入內調查，故難以從外圍發現有關工程影響樓宇結構，亦未有明顯迹象顯示單位改作劏房。職員僅發現單位門口大閘阻礙樓宇走火通道，已就此向業主發信，敦促盡快自行糾正，否則會根據《建築物條例》發出清拆命令。至於上址懷疑劏房工程一事，該署則會繼續跟進。
「依家已經有人搬埋入去住喇，唔通要有咩意外發生先嚟補救？」林女士認為屋宇署應嚴正處理劏房問題，勿讓火災悲劇再次發生。