解放軍駐港部隊主責本港防衞事務，周不時仲會進行聯合演習保持戰鬥力。駐港部隊啱啱喺上月底完成每年一度嘅輪換工作，尋日有人喺社交網站上載相片，話有架車牌字頭係「ZG」嘅七人車停喺旺角一間麻雀館出面，車上所有人不知所終。需知「ZG」兩個英文字母係駐港嘅英文簡寫（ZhuGang），即係解放軍駐港部隊專用車牌，既然架車停喺咁敏感嘅地方，唔知啲解放軍係咪研究行軍戰略有啲悶，於是就走去四方城鑽研竹戰呢？如果係就大件事喇。
（互聯網）