奧委會會長霍震霆（Tim）上月榮升老爺，長子啟剛同跳水王后郭晶晶結束八年愛情長跑，雖然大家對呢對王子與公主嘅故事已經耳熟能詳，不過似乎Tim霍對呢位新抱嘅熟悉程度就有待改善喇。
話說Tim霍尋日出席一項體育活動，被問到新抱晶晶貴為運動好手，有冇為霍家上下掀起一陣運動熱潮？佢居然恍然大悟咁話：「係喎，我新抱係奧運金牌運動員嚟喎！」其實霍老爺○八年喺北京都親手頒過金牌畀晶晶喇，唔通佢仲未習慣自己作為老爺嘅身份？
