279X脫班 賴車長冇返工
「明明寫住十至十五分鐘有一班車，但次次都要等多兩、三倍時間先有車嚟！」李先生每日皆由青衣乘搭九巴279X線前往上水，發現近日脫班情況嚴重，「放咗工都係想快啲番屋企啫，總站明明有車都唔開，晚晚企喺度等到頸都長！」李指該線早在今年九月初已更新行車班次，但站頭的行車班次時間表卻在九月底才作更換，不滿九巴行政混亂。
九巴發言人稱，曾根據李先生提供的日期翻查行車紀錄，結果顯示該些日子有車長缺勤，令班次略為延誤。發言人又稱，倘路線資料有任何改動，該公司皆會於站頭張貼告示提醒乘客。接獲轉介後，已提醒有關部門必須在改動生效後盡快更換資料紙。
「如果車長真係突然冇返工，九巴都應該會有緊急方案，有咩可能次次都話車長臨時病咗？」李先生認為九巴的解釋難以自圓其說，要求盡快改善服務質素。