二手煙送飯 冬菇亭零檢控

食客無視禁煙標誌

郭先生指「冬菇亭」價錢經濟兼選擇多，多年來都是排檔捧場客，卻不滿檔內長期有人違例吸煙，當中尤以沙角邨及博康邨的情況最為嚴重，「差唔多枱枱都有人食煙，搞到每次幫襯都有二手煙送飯！」郭坦言曾向控煙辦投訴，但回覆卻大失所望，「（控煙辦）淨係叫我留意下食煙啲人坐嘅位置，係咪法例列明嘅『室內』範圍，問題係檔入面都好多人食煙，但就見都未見過佢哋落嚟巡，我同佢哋睇又有咩用？」

記者曾多次實地了解，發現沙角邨及博康邨的「冬菇亭」長期以鐵板或帳篷作上蓋及圍封四周，檔內雖貼有禁煙標誌，惟無論檔內檔外均有大量食客吸煙。「呢類大排檔係街坊飯堂，一日三餐好多時都喺度解決，所以成日都有街坊投訴話餐餐二手煙送飯！」沙田區區議員楊倩紅坦言問題存在已久，又指食肆張貼的禁煙告示未能起任何阻嚇作用，建議控煙辦增加巡查次數。

沙角邨	沙角邨及博康邨「冬菇亭」屬區內違例吸煙黑點，控煙辦卻「零檢控」。

負責管理沙角邨「冬菇亭」的領匯發言人承認，有關檔位屬非吸煙區域；房屋署發言人則說，博康邨辦事處在過去一年共接獲兩宗有人於「冬菇亭」室內位置吸煙投訴，而沙角邨亦錄得八名住戶於邨內違例吸煙而被扣分的個案。

街坊心聲 陳同學：「成日都會同同學去屋邨大排檔食飯，真係冇見過有控煙辦職員嚟巡！」

黃女士：「我自己唔食煙，所以都希望煙民可以自律啲，等我哋唔使二手煙送飯！」

議員狠批變相縱容

控煙辦發言人卻稱，過去一年分別接獲二十五宗及七宗有關沙角邨與博康邨「冬菇亭」違例吸煙的投訴，前者曾進行十六次突擊檢查，後者則進行五次突擊檢查，惟均未有發現有違例吸煙人士。發言人續說，接獲本報轉介後，職員亦曾作突擊巡查，同樣沒有發現。

「（控煙辦）點可能成年一宗檢控都冇，真係離晒譜！」立法會議員王國興直斥控煙辦執法不力，變相縱容食客違規。王又認為《禁煙條例》　執法成效不彰，當局應重新審視，「（控煙辦）一收到投訴，就淨係識得問嗰度係咪室內而唔係落力去巡，好難怪市民覺得佢哋冇心執法！」

食肆「室內」定義含糊

公共屋邨內俗稱「冬菇亭」的排檔被劃作「室內」還是「室外」，往往被指定義含糊，令市民無所適從。控煙辦發言人解釋，《吸煙（公眾衞生）條例》中列明，食肆及公眾地方內的室內區域均屬於指定禁止吸煙區，而「室內」則指必須要有上蓋（包括暫時或永久性），除卻窗門，圍封程度最少達各邊總面積五成者，皆屬室內範圍。

記者：伍思明